Kaszëbsczé Diktando w Słëpskù
Dwie ùczennice z klasë II A Kaszëbsczégò LO w Brusach wzãłë ùdzél w Kaszëbsczim Diktandze w Słëpskù 5 rujana. Òkróm pisaniô kaszëbsczégò tekstu Jana Trepczika na wszëtczich bëtników żdało wiele atrakcjów. Pò napisanim diktanda dzéwczãta òbezdrzałë pùpkòwi téater pt. „Tylko jeden dzień” zagróny przez Nôrodny Pùpkòwi Teater Tãga w Słëpskù. Dali mòżna bëło zjesc pôłnié, pòjachac na wanogã nad mòrze do Ùstczi abò téż jic z prowadnikã pò Słëpskù i wząc ùdzél w rozmajitëch kònkùrsach i warkòwniach. Kòżdi ùczãstnik dostôł na wdôr diplom i rozmajité ksążczi. Mómë nôdzejã, że na pòstãpny rok zôs pòjedzemë i dobãdzemë place.